Veni, creátor Spíritus, mentes tuórum vísita,
imple supérna grátia, quæ tu creásti, péctora.
2. Qui díceris Paráclitus, altíssimi dónum Dei,
fons vivus, ignis, cáritas, et spiritális únctio.
3. Tu septifórmis múnere, dígitus patéræ déxteræ,
tu rite promíssum Patris, sermóne dítans gúttura.
4. Accénde lúmen sénsibus, infúnde amórem córdibus,
infírma nostri córporis virtúte fírmans perpéti.
5. Hostem repéllas lóngius, pacémque dones prótinus ;
ductóre sic te prǽvio vítamus ómne nóxium.
6. Per te sciámus da Patrem noscámus atque Fílium,
teque utriúsque Spíritum crédamus omni témpore. Amen.
℣. Emítte Spíritum tuum et creabúntur.
℟. Et renovábis fáciem terr.
Orém us.
Deus, qui corda fidélium Sancti Spíritus illustratióne docuísti,
† da nobis in eódem Spíritu recta sápere, * et de eius semper consolatióne gaudére.
Per Christum Dóminum nostrum. ℟. Amen.
--------------------------------------------------------------------------------
